طريقة عمل هوت دوق بالجبنه

عندي وصفه بس غير عن كل مره مادري اذا أحد يعرفها والا لا.. بس لمن علمت صديقاتي طريقة السندويشات حبوها وصارو يتغدون ويتعشون فيها..

موضوعي يتكلم عن : سندوتشات الهوت دوق بالجبن بصراحه هالطبق مميز عندي..

المقادير:
3 بصل أبيض+بصل أخضر
3 طماطم
3 أو 4 جبن سلايس الشرائح
علبة هوت دوق أو على حسب إذا تبين تسوين الوصفه حق 3 انفار جيبي بس 6 أصابع من الهوت دوق
3 فلفل أخضر


أول شي قطعي البصل الابيض والاخضر والطماطم والفلفل الأخضر وقطعي بعد الهوت دوق دوائر صغار..

الحين عاد جيبي مقلاه وحطي البصل الأبيض بعدها بثلاث دقايق حطي البصل الأخضر واحمسيهم مع بعض وملاحظه هامه ((لاتحطين زيت)) إذا حسيتي انه يحترق حطي نقطة ماي لأن الزيت مايحتاج بعدين حطي الفلفل الأخضر اللي قطعتيه واحمسي بعد وحطي الهوت دوق وخلي ينضج ذوقي الهوت دوق اذا حسيتي استوى حطي الطماطم و خليه الين مايذوب الطماط واذا ذاب الطماط حطي فوقه جبن سلايس الشرائح يكون 4 أو تبين تكثرين مومشكله وآخر شي حطي فلفل أسود وأبيض شويه ترا إذا كثرتي ماتضبط الطبخه! و سكري عالنار وحطيهم بالسندويشات تصير سنوديشات الهوت دوق بالجبن..
ملاحظه جيبو سندويشات صغار عشان يصير منظره أحلى وأكشخ